Ætlaði að fela fíkniefnin á sumarbústaðarlandi,

Ég segi ekki meir....  eins gott að þetta gekk ekki eftir. Held reyndar að allt of mörg fíkniefnamál komist aldrei upp um. En samt, mörg þeirra kemst upp um og er það gott. En pælið samt í því 23.5 kíló af amfetamíni og svo allskonar annað dóp.

Ætli eftirlit á skútum til landsins verði ekki hert eftir þetta

Ætlaði að fela fíkniefnin á sumarbústaðarlandi

Hannes Þ. sleginn niður og er þríbrotinn...

... Hver vogar sér að koma svona fram við þennan frábæra fótboltamann.

Ég er nú bara alveg orðlaus, svona ykkur að segja. Ég hef fylgst með Hannesi í mörg ár og veit líka að þetta er hinn mesti ljúflingur + frábær fótboltamaður, einn af betri mönnum landsliðsins, vonandi verður hann í næsta vali hjá Ólafi - landsliðsþjálfara Ægilegt að svona hlutir skuli eiga sér stað hér í Reykjavík, ekki er langt síðan að Eiður Smári lenti í svipuðu dæmi. Vona bara að Hannesi jafni sig fljótt. Bata kveðjur Hannes minn.

Hannes sleginn niður og er þríbrotinn

Súfistinn hættur.... en er enn í fullu fjöri í Hafnarfirði

Ég gat ekki verið með í kveðjuhófinu hjá Súfistanum í húsnæði Máls og Menningar, en það breytir ekki því, að þetta er uppáhalds kaffihúsið mitt í borginni. Sótti þarna marga menningarlega viðburði enda gott að vera þarna og geta gluggað í góðar bækur í rólegheitum svona í leiðinni. Leiðinlegt að það sé hætt.. En munum að það er enn hægt að fá gott kaffi hjá Súfistanum í Hafnarfirði og það er flottur staður og gott starfsfólk

Súfistinn hefur hætt rekstri í húsnæði Máls og menningar

Ég man nú oft eftir svona áhlaupi...

Eins og segir í fréttinni mikill veðurofsi á austurlandi. Sem austfirðingur- með meiru veit ég að þetta er nú ekki í fyrsta skiptið. En þegar ég bjó heima á Seyðisfirði fannst mér oft eins og meira færi fyrir því í á öldum ljósvakans að segja ýmist frá góðu eða slæmu veðri á suðurlandinu, sérstaklega Reykjavík og nágreni, og það sem sást svo í sjónvarpi sem svakaleg ofankoma var þá oftast ekki neitt, neitt. En því veit ég að þegar við fáum fréttir af austfjörðum um mikinn veðurofsa, þá er sko örugglega mikill veðurofsi. Ég vona hins vegar að á þessum seinasta degi ársins 2007 fáum við betra veður en spáð er, (og að ekki komi til útkalla hjá hjálparsveitafólki, svo það fái notið áramótana eins og við) Þó ekki verði nema í kringum miðnættið þegar árið 2007 og 2008 heilsast og kveðjast. En um leið segi ég við ykkur kæru vinir og bloggarar takk fyrir árið sem er að líða og gleðilegt árið 2008

Erfiðar aðstæður á Austurlandi

Til hamingju Margrét Lára!

Íþróttir |mbl.is | 28.12.2007 | 20:09

Margrét Lára íþróttamaður ársins

Margrét Lára Viðarsdóttir knattspyrnukona úr Val var í kvöld útnefnd íþróttamaður ársins 2007 af Samtökum íþróttafréttamanna.

Margrét Lára, sem er 21 árs og fædd og uppalin í Vestmannaeyjum, er fjórða konan sem hlýtur þessa útnefningu á 52 árum. Hún setti nýtt markamet á Íslandsmótinu þegar hún skoraði 38 mörk fyrir Val, sló markamet A-landsliðsins og skoraði í sigurleikjum Íslands gegn tveimur af tíu bestu landsliðum heims, Frakklandi og Kína. Þá lék hún stórt hlutverk með Val sem náði langt í Evrópukeppninni

Mikið var ég hamingjusöm að sjá að íþróttafréttaritarar væru sammála um að það væri kona sem skildi hljóta hnossið í ár. Það er frábært að 2 konur séu meðal 3ja efstu í vali á íþróttamanni ársins. TIL HAMINGJU MARGRÉT LÁRA ÞÚ ÁTT ÞETTA SVO SANNARLEGA SKILIÐ!

Annars finnst mér ekkert skilyrði að það sé kona sem hreppi þetta. En nú var valið alls ekki erfitt, og þó þetta er alltaf erfitt, 10 flottir íþróttamenn, sem allir eiga sama möguleika. Ég er samt mjög, mjög sátt við valið í ár

Gleðileg jól öll sömul.....

 

 

Kæru vinir og félagar, sem lesið bloggið mitt. Langar að senda ykkur bestu óskir um gleðilega jólahátíð og gæfuríkt komandi ár.

 

 

Fyrir dóttur Þórdísar Tinnu......

Þið sem lesið bloggið mitt sjáið að mér eru mæðgurnar Þórdís Tinna og Kolbrún Ragnheiður ( KR er vinkona og bekkjarsystir dóttur minnar) ofarlega í huga. Þórdís Tinna berst eins og hetja við krabbamein og litla stúlkan hennar stendur sig líka eins og hetja. Ég sá á blogginu hennar ÞT ( sem ég les mjög reglulega) það sem vinnuveitendur hennar hafa gert og ákvað að setja það hér inn í von um að fólk verði duglegt að leggja þeim lið. Með þakklæti og von um betri heilsu hjá ÞT. 

Fyrrum vinnuveitendur Þórdísar Tinnu, hjá heildversluninni Sportís í Garðabæ, hafa staðið þétt við bakið á þeim mæðgum með ýmsum hætti frá því að Þórdís greindist. Nú í ár hafa þau sent öllum sínum viðskiptavinum tölvupóst þar sem fram kemur að í stað þess að senda jólakort og konfekt hafi þau stofnað reikning í nafni Kolbrúnar Ragnheiðar. Markmið þessa sjóðs er að m.a. að styrkja hana svo hún geti haldið áfram að stunda píanónámið sitt sem og annað sem framtíðin ber í skauti sér. Þegar Anna Sigga og Skúli hjá Sportís hringdu í okkur og tilkynntu okkur þetta gátum við ekki annað enn klökknað yfir þessu framtaki þeirra. Við viljum því koma á framfæri djúpu þakklæti til þeirra.  

Við ákváðum að láta reikningsnúmerið fylgja hér fyrir þá sem hafa áhuga á að leggja þeim lið:

1152-15-201700, kt: 241098-2149.

 

Einnig höfum við ásamt þeim, Önnu Siggu, Skúla og börnum myndað svokallað tengslanet eða stuðningshóp fyrir Kolbrúnu Ragnheiði.

Lay Low.... Þetta er til eftirbreytni...

Lovísa Elísabet Sigrúnardóttir sem er betur þekkt sem söngkonan Lay Low hefur ákveðið að ánafna ágóða sínum af sölu nýs geisladisks með tónlistinni úr Ökutímum til Aflsins á Akureyri, samtaka gegn heimilis - og kynferðisofbeldi. Leikfélag Akureyrar ánafnar einnig ágóða af síðustu sýningu ársins til sömu samtaka.

Lay Low gefur ágóða af nýrri plötu

Birgitta Haukdal....

..... Merkilegt hvað fólk getur alltaf verið að pirrast út í manneskjur eins og Birgittu, sem er ekkert nema elskulegheitin uppmáluð. Hvað er að fólki??? Mér finnst hún Birgitta bara flott og góð fyrirmynd fyrir yngra fólk. Og viðurkennir bara að hún noti krem til að slá á fölva sem vill vera alsráðandi á þessum tíma árs. Gott hjá henni að afgreiða þetta bara með einu flottu jólakorti

Fannst Birgitta Haukdal of gul

Síðasti skiladagur....

...... auðvitað jólakorta í póst úbbs finnst ég hafa heyrt þetta áður. En auðvitað er það bara í lagi og þau fara í póstinn á eftir. Ekkert mál. Nóg að stússast í þessa stundina. Ætla að koma mér í vinnu og halda sjó í öllu atinu. Þrátt fyrir að ég lofi mér að næst þegar kemur að jólum ætli ég sko örugglega að vera klár með kortin upp úr mánaðar mótum þá einhvern vegin klikkar það of oft, eins og ég verði alltaf að hafa smá spennu á hlutunum.