Gallas og Toure mættu of seint.................

......... Já, já auðvitað á allt sínar eðlulegu skýringar. En ég verð að segja að við sem vorum að horfa saman á leikinn vorum ekkert smá undarandi. En þar sem Wenger er alveg rólegur yfir þessu ætla ég líka að vera það. Sem sagt verið var að hlúa að  William Gallas og Kolo Toure er maður mjög hjátrúarfullur með það að mæta alltaf seinastur út á völl, þannig að hann beið eftir Gallas, þar sem hann vissi hreinlega ekki að búið var að flauta til leiksins. Þetta er náttúrulega engan vegin nógu gott að svona eigi sér stað í evrópu leik. þ.e.a.s. að uppskera gult spjald fyrir vikið. . Samt sem áður eins og ég sagði hér ofar Wenger er rólegur yfir þessu, svo höldum ró okkar. og gleðjumst yfir aðal málinu sem er auðvitað, að okkar menn unnu . Og þá er ég sátt. Hins vegar spiluðu Arsenal menn fanta góðan leik og var ég leið að þeir skyldu ekki skora fleiri mörk þar sem þeir hreinlega óðu í færum allan leikinn.

Áfram Arsenal

Gallas og Toure mættu of seint

Nú er það Arsenal gegn Cardiff í kvöld.....

Tekst Cardiff að slá Arsenal út?  Ég ætla nú bara rétt að vona ekki.

En það er með þessa bikarleiki það er ekkert öruggt í þeim, frekar en öðrum leikjum. En samt er alltaf eitthvað svo skemmtilegt og óvænt í bikarleikjum. En ætla mér bara að treysta á mitt lið.

Sá skemmtilegan leik í gær, þegar Everton og Aston Villa áttust við ég var ánægð með úrslitin en Everton vann 3-1.....

Áfram Arsenal í kvöld;)

Tekst Cardiff að slá Arsenal út?

Jóhanna Sigurðardóttir hefur fallegustu áruna...... Hún er svo heiðarleg....

..... Þetta segir

Ragnheiður Ólafsdóttir, vara þingmaður, þessi sem skammaði alla í þinginu í seinustu viku og ekki  að ástæðulausu. En það er betra fyrir þingmennina að passa sig, því hún les í árur fólks og segist geta séð hver er að segja satt og hver ekki....

Hún segir hins vegar að Jóhanna Sigurðardóttir forsætisráðherra hafi lang-fallegustu áruna af öllum þingmönnunum, ekki er ég hissa að hún segi það.

Hér setti ég slóð sem sýnir viðtal við hana.

http://mbl.is/mm/frettir/sjonvarp/22854/

Á inni fé hjá Kaupþingi

Hver á ekki pening inni hjá Kaupþingi og öllum hinum? Ég bara spyr! Mikið vildi ég að við hefðum áhyggjur af einhverju öðru en því hvernig þessir bankar standa í útlöndum, ekki svo að skilja að mér þyki í lagi hvernig þeir hafa hagað sér eins og börn í sandkassaleik. Það er skömm að þeir skuli koma á okkur óorði út um allan heim.Þessir líka flottu og flinku menn sem þurftu svo hátt kaup, vegna þess, takið eftir, vegna þess; að þeir væru svo klárir í peningamálum. Ja mikil ósköp, lítið fór nú fyrir þeim gáfum. Gott að ég lét þá ekki ráðleggja mér við að kaupa í matinn..... Nú, af hverju  segi ég það; halló! Þarf að spyrja... þá væri fjölskyldan löngu dauð úr hungri

Á inni fé hjá Kaupþingi

Hermann í byrjunarliði Portsmouth........

.......... Það var líka löngu tímabært að þessi frábæri leikmaður  sæti ekki á bekknum stanslaust. Ég er svo undrandi á því með hann Tony Adams ( eitt af mínum fyrritíma uppáhöldum hjá Arsenal) að hann skuli láta svona gagnvart uppáhalds íslenska leikmanninum mínum í enska boltanum.

En verst er þó að Portsmouth vann ekki leikinn. En á Sky var minnst á það að Hreiðarsson hefði verið í byrjunarliðinu og það segir nú margt. Vonandi er þetta vísir að því sem koma skal fyrir Hermann hjá liðinu á þessari leiktíð.

Hermann í byrjunarliði Portsmouth

Táragasi beitt á Austurvelli

Ég get svarið það! Ég átti nú satt að segja aldrei von á því að upp kæmi svipuð staða og varð á Austurvelli fyrir sex áratugum síðan. En þannig er nú staðan og skildi engan undra. Ekkert er að gerast á okkar háttvirta alþingi........ Þegar fólk vill breytingar dugar ekki að haldið sé áfram í kyrrstöðu. Að nokkrir peningagráðugir menn og konur hafi getað komið okkur í þessa aumu stöðu er hreint út sagt hryllilegt og ekki sér fyrir endann á ástandinu því svokölluð "kreppa" er bara á byrjunarreit. Það er sama hvert litið er; fólk missir vinnu hægri vinstri, hækkun matarverðs er komin upp úr öllu valdi og ekkert er að gert, eina sem sagt er; krónan er svo lág.... En hver er lausnin? Kaup lækkar og hinn almenni borgari hefur minna og minna á milli handana og þakkar fyrir að geta borgað af því sem borga þarf. En á meðan geta þeir sem komu okkur í þessa aðstöðu (alla vega að mestu leiti, ef ekki öllu) haldið sér í sínum höllum hér og þar í heiminum og látið lítið á sér bera nema þá til að koma í sjónvarps-viðtal og segja okkur hversu leiðinlegt það sé að við séum í þessari stöðu og borga þá kannski eitthvað smá..... til baka sem við borgum svo fulla skatta af. Þetta slær ekki á mín sár og ég veit að þessar upphæðir ( eins og t.d. hjá Bjarna ) skipta hann engu máli þetta var bara friðþæging af hans hálfu.

Nei, það er mál að linni. Fram, fram til breytinga það er það sem fólk þráir.

Táragasi beitt á Austurvelli

Á að leggja St. Jósefsspítala niður? Aldeilis ekki....

Hvað er í gangi í þessu þjóðfélagi??? Ég botna bara ekki orðið neitt í neinu.   Eins og fram kom í dag á fundi bæjarstjórnar Hafnarfjarðar,(sat fyrrihluta fundar, þar sem ég er varabæjarfulltrúi) eykst atvinnuleysi hér í Hafnarfirði og er þetta þá útspilið sem við vorum að falast eftir?Nei auðvitað ekki. Ég veit að þetta hleypir bara illu blóði í fólk og ekki síst í því ástandi sem nú er í þjóðfélaginu. Við verðum öll sem eitt að vera dugleg að skrá okkur á lista sem liggja fram á hinum og þessum stöðum hér í Firðinum á næstu dögum, til að mótmæla þessu uppátæki heilbrigðisráðherra....

Eins og maður hafi verið skotinn

Tónleikarnir í dag í Hafnarfjarðarkrikju voru frábærir....

.....Enda var Kór Lækjarskóla þar og stóð sig frábærlega, hún Ólöf Björg, sem er með kórinn er frábær með þennan hóp og auðvitað má ekki gleyma Hlöðveri Smára manninum hennar sem er píanósnillingur hinn mesti. En svo voru Þrestirnir og Kvennakór Öldutúns, Drengjakór Hafnarfjarðar, sem reyndust vera nokkrir þrestir og svo Alda Ingibergsdóttir..... Já það er einmitt þetta sem gera á á aðventunni, svo voru "syngjandi jól" í Hafnarborg á laugardeginum..... Endalaus tónlistarveisla í Hafnarfirði.

En læt fylgja hér með slóð á Baggalútslagið þeir syngja um ástandið sem er svo skemmtilega gert hjá þeim. Mér finnst þeir engum líkir, þeir eru bara þeir sjálfir spes og skemmtilega öðruvísi.

http://baggalutur.is/jol/2008.php

Mikið að gera þessa dagana....

.... svoleiðis er það oft á þessum tíma. Ekki al slæmt, er alla vega teikn á að viðkomandi sé til og geti gert hlutina. Ég er eins og flestir aðrir hálf þreytt á ástandinu sem er í landi voru, en sé ekki að ég sé þess megnug að gera það sem gera þarf til að málin verði í lagi, hins vegar ef ég hefði valdið þá er aldrei að vita......

..... En að öllu gamni slepptu er ástandið alls ekki gott, en lengi getur vont versnað.

Jørn Utzon

..... Einhverjir muna nú sjálfsagt eftir Jörn Utzon, hann var sá sem hannaði m.a. óperuhúsið í Sidney..... Ég man líka eftir því þegar Lovísa Dröfn dóttir mín, ákvað að velja hann þegar hún átti að skrifa ritgerð  um akitektúr og hönnun í menntó. Það var skemmtileg og fróðleg lesning. En svona fara þessir gömlu góðu einn af öðrum.  Alla vega er óhætt að segja að Utzon hafi náð háum aldri.

Danska arkitektsins Jørn Utzon minnst